Laugardaginn 29. maí, kl. 9-17 í Reykjavík verður leiðbeinendanámskeið ÍSÍ í stafgöngu.

Námskeiðið er ætlað þeim sem starfa í heilbrigðisgeiranum s.s. íþróttakennurum, sjúkraþjálfurum, hjúkrunarfólki og iðjuþjálfurum. Námskeiðið gefur réttindi til að kenna stafgöngu. 

Fimmtudaginn 29. apríl frá klukkan 12:30 til 13:30 verður áhugaverður fyrirlestur um vímuefnanotkun, foreldraeftirlit og frístundir 14 - 15 ára unglinga 1997 - 2009. Fer fyrirlesturinn fram í Háskólanum í Reykjavík - Ofanleiti 2 - stofu 101.

Fræðslusvið ÍSÍ og Íþróttafræðasetur Menntavísindasviðs HÍ standa fyrir stuttri og hnitmiðaðaðri ráðstefnu um starf íþróttaþjálfara þann 30. apríl nk. frá 13:00-16:10 í höfuðstöðvum ÍSÍ í Laugardal.

Þessi ráðstefna markar vonandi upphaf að frekari kortlagningu á þjálfarastarfinu hér á landi.

Ráðstefnan er öllum opin og kostar ekkert.

 

Kennslufræði- og lýðheilsudeild Háskólans í Reykjavík stendur fyrir fyrirlestri um heilsu, hreyfingu og þol 18 ára framhaldsskólanema fimmtudaginn 15. apríl frá 12:30 - 13:30. Byggt verður á nýlegri rannsókn þar sem margir þættir voru rannsakaðir og er að þessu sinni aðallega fjallað um helstu áhættuþætti fyrir lífstílssjúkdóma. Allir hjartanlega velkomnir að koma og hlýða á fyrirlesturinn sem verður í Ofanleiti 2 í stofu 201.

Nú eru ríflega 200 bolir farnir út til félaga ÍKFÍ og félagsmenn nokkuð sáttir með bolina.

Ágætis mæting var á skrifstofu félagsins í vikunni og ávallt gaman þegar margir íþróttakennarar hittast á sama stað.